Rritja e çmimit të qirave në Spanjë, kanë shkaktuar zemërim masiv të qytetarëve duke nisur protesta masive. Qindra e mijëra qytetarë pushtuan rrugët e sheshet në 40 qytete të Spanjës, teksa kërkojnë uljen e qirave, teksa vendi vuan nga një krizë mungese banesash, nisur edhe nga bumi turistik dhe dhënia e banesave si AirBnB. Qeveria e qendrës së majtë të Spanjës po përpiqet të gjejë një ekuilibër midis tërheqjes së turistëve dhe emigrantëve për të mbushur boshllëqet e vendeve të punës dhe për të mbajtur qiratë të përballueshme për qytetarët spanjollë pasi pronat me qira afatshkurtër për turistët po shtohen në qytetet kryesore dhe destinacionet bregdetare. Protestuesit shprehen se pavarësisht se kush mund të jetë në qeveri, duhet ndërtuar politika që mbrojnë të drejtën e strehimit. "Po na flakin të gjithëve për të ndërtuar apartamente turistike”, tha një tjetër protestuese në lagjen e të cilës pronarët janë shprehur se nuk do të rinovojnë qiratë me ta. Qiratë mesatare janë dyfishuar dhe çmimet e banesave janë rritur me 44% në dekadën e fundit, sipas të dhënave nga uebfaqja e pronave Idealista, duke tejkaluar shumë rritjen e pagave. Në të njëjtën kohë, furnizimi me shtëpi me qira është përgjysmuar që nga pandemia e 2020. Shoqatat e pronarëve të shtëpive dhe ekspertët thonë se rregulloret ekzistuese dekurajojnë qiratë afatgjata dhe pronarët e pronave e shohin dhënien me qira për turistët ose të huajt për ditë ose disa muaj më fitimprurëse dhe më të sigurt.