Ashtu si përgjatë mëngjesit, të tjera protesta janë regjistruar në orët e pasdites në vend. Rritja e çmimeve I ka detyruar qytetarët të grupohen e më pas të bllokojnë rrugët. Në Durrës, protesta u zhvillua përgjatë aksit rrugor Durrës-Ura e Dajlanit. Për më tepër se 1 orë aksi ka qëndruar bllokuar, gjë që ka paralizuar qarkullimin e automjeteve. Efektivët e policisë, të lartë në numër kanë qëndruar aty deri në përfundim të protestës e cila ishte paqësore. Kanë qenë qytetarët, ku me thirrjet e tyre kanë kërkuar mirëkuptimin e efektivëve, për faktin se kauza është për të gjithë. Në të njëjtën kohë, edhe qytetarët në Elbasan braktisën banesat dhe u grumbulluan në rrugë. Me thirrjet për uljen e çmimeve dhe me banderola në duar ata kanë protestuar përreth 60 minuta. Edhe aty, policia ka qenë në detyrë për shpërndarjen e tyre. Sipas informacioneve nuk pati incedente. Gjirokastra ishte një prej qyteteve ku ishte njoftuar protesta pasditen e kësaj të shtune. Ashtu siç ka ndodhur deri më tani, asnjë qytetar nuk doli në vendin e njoftuar. Të pranishëm ishin vetëm efektivë të policisë, të cilët më pas u larguan. Një lum protestash kanë yërshuar në vendin tonë nga veriu në jug, ku duket se ato do të vijojnë ende.