Ligji për kalimin e pronës pronën shtetërore në private do të nisë zbatimin në fillim të muajit korrik. Sipas ligjit, prona shtetërore mund të shkëmbehet me pasuri private nga ministritë, institucionet e tjera qendrore, në varësi të Kryeministrit dhe të ministrive, organet e vetëqeverisjes vendore, që kanë në pronësi ose përdorim prona shtetërore, si dhe ndërmarrjet ose shoqëritë tregtare shtetërore. “Kalimi i pronës shtetërore në pronë private bëhet nëpërmjet formave të ndryshme të privatizimit, si: shitjes me ankand, ose tjetërsimit, sipas veprimeve juridike të kalimit të pronësisë së pasurive të paluajtshme, të përcaktuara në Kodin Civil të Republikës së Shqipërisë, përveç formës së kalimit të pronësisë nëpërmjet kontratës së dhurimit, në përputhje me legjislacionin në fuqi. Përgjegjësia për pronat, duke shkuar në një linjë dhe me riformatimin e ministrive që ndodhi në fillim të vitit, i ka kaluar ministrisë përgjegjëse për ekonominë duke qenë se më herët ishin bashkë Financat dhe Ekonomia.