Gjykata e Posaçme e Apelit për Korrupsionin dhe Krimin e Organizuar la në fuqi vendimin për konfiskimin e pasurive të ish-gjyqtarit të Gjykatës së Lartë, Guxim Zenelaj. Ai akuzohet për deklarim të rremë. Janë shtatë pasuri të Zenelajt, gjashtë prej të cilave me vendndodhje në Shëngjin, konkretisht 3 apartamente, 2 garazhe, dhe një dyqan që tashmë I kanë kaluar shtetit. Po ashtu I është konfiskuar edhe një sipërfaqe toke 1000 metër katrorë në zonën e Himarës në Vlorë. Zenelaj u tërhoq nga sistemi I drejtësisë para se të kalonte në filtrin e vettingut. Në vitin 2016 ai deklaroi në deklaratën e pasurisë 18 apartamente dhe tre njësi ndërtimore në Ishull Shëngjin, Lezhë. Kallëzimi për gjyqtarin u bë nga avokati Fran Dashi, I cili po ashtu ka depozituar kallëzime dhe për një sërë ish gjyqtarësh të tjerë të dorëhequr nga sistemi I drejtësisë.