Profesori serb Boban Bogdanoviq, njëherësh activist politik, i cili u largua nga Serbia veç pak kohë pasi vizitoi Kosovën, ka folur për herë të parë pas azilit politik të marrë në një nga vendet europiane. Teksa ndodhet nën mbrojtjen 24 orëshe nga tre shtete evropiane në një vend secret, Bogdanoviq ka rrëfyer se si u planifikua likuidimi i tij për shkak të vizitës në Kosovë, dhe pse ishte kundër politikës së Aleksandër Vuçiç. Gjatë intervistës për medien ‘Bosnja e lirë’, Bogdanoviq ka deklaruar se I është ofruar pasuri e patundshme, para e madje edhe që të drejtojë Listën Serbe, në këmbim të heshtjes. Refuzimi I tij për këtë ofertë, ka sjellë edhe zemërimin e Vuçiç dhe agjentëve të inteligjencës serbe, të cilët më pas e kanë kërcënuar, e sot pas 1 viti ai ka mundur për shkaqe sigurie që të ketë një telefon e të flasë me familjen.