Reshjet e shiut vijojnë të shkaktojnë problematika dhe në Kosovë. Një segment i rrugës nacionale Ferizaj-Prishtinë u mbyll për qarkullim e automjeteve, për një kohë të caktuar për shkak prezencës së madhe të ujit, tha Ministria e Infrastrukturës dhe Policia e Kosovës. Segmenti që kalon nëpër fshatin Llapnasellë, segmenti nga rrethi i “Prishtina Mall” në drejtim të Prishtinës dhe segmenti nga rrethi i “Marigona” në drejtim të Ferizajt, është mbyllur plotësisht për qarkullimin e automjeteve, “për një kohë të caktuar”., tha policia që sqaroi më tej se “Ky veprim është ndërmarrë si masë e domosdoshme për mbrojtjen dhe sigurinë e qytetarëve dhe parandalimin e rrezikut në trafik”. Sipas Ministrisë së Infrastrukturës ky segmet do të hapet për qarkullim brennda ditës ndërsa sqaroi se edhe në nënkalimin në Mazgit, në drejtim të autostradës, ka grumbullim të ujit "si pasojë e bllokimit të kanalit", duke shtuar se po punohet që të zhbllokohet rruga. Ndërkohë në autostradën “Ibrahim Rugova” ka pasur rrëshqitje të dheut. Probleme janë regjistruyar edhe në rrugën Fushë Kosovë -Gjurgjicë. Autoritetet kërkojnë nga qytetarët që të evitojnë këto rrugë deri në rregullimin e plotë të problemeve.