Turqia prezantoi të martën raketën e saj të parë balistike hipersonike, Tayfun Block 4, në ditën e hapjes së Panairit Ndërkombëtar të Industrisë së Mbrojtjes 2025 në Stamboll.E zhvilluar nga firma turke e mbrojtjes Roketsan, Tayfun Block 4 peshon 2,300 kilogramë, është 6.5 metra e gjatë dhe ka një rreze veprimi prej 800 kilometrash. Raketa u vlerësua vecanërisht për shpejtësinë e saj të lartë dhe manovrimin e përparuar."Tayfun Block-4 ka rreze veprimi të gjatë dhe vendos kështu një tjetër rekord për industrinë turke të mbrojtjes. Me një peshë mbi 7 ton, ky version i ri i Tayfun, me kokën shumëfunksionale, do të jetë i aftë të shkatërrojë objektiva të shumta strategjikë, siç janë sistemet e mbrojtjes ajrore, qendrat e komandës dhe kontrollit, hangarë ushtarakë dhe objekte kritike ushtarake, nga qindra kilometra larg", tha Roketsan në një deklaratë. Presidenti turk, Recep Tayyip Erdogan tha ndërkohë të martën se ky panair tregon ngritjen e turqisë si një fuqi sovrane në sektorin e mbrojtjes. “Sot, nuk po dëshmojmë vetëm zhvillimin e industrisë turke të mbrojtjes, por edhe marshimin e një kombi drejt pavarësisë, po shohim historinë e një vendi që ngrihet në qiellin e vet, mbi krahët e vet”, tha Erdogan duke shtuar se vendi ka kapërcyer “embargot, standardet e dyfishta dhe presionet diplomatike” për t'u bërë një forcë globale, duke lënë gjurmë në tregun global me industrinë e tij të mbrojtjes.