Shqipëria do të jetë një hap para Bashkimit Europian për identitetin digjital. Kështu deklaroi kryeministri Edi Rama, duke e konsideruar teknologjinë, një bekim të kësaj kohe, për të kapërcyer pengesa historike. Rama: Ndërkohë që BE po ashtu po përgatitet për identitetin digjital dhe objektivi i shpallur i BE, është që në vitin 2027, qytetarët e BE të mund të pajisen me identitetin e tyre digjital. Ne do të jemi një vit më parë dhe e theksoj këtë, jo për të nënkuptuar apo për të afirmuar ndonjë përparësi tonën, po për të rikujtuar dhe një herë se përparësia që teknologjia i jep çdo vendi që e përqafon atë dhe që i drejtohet asaj për të kapërcyer pengesa që ndonjëherë janë edhe historike, është një përparësi e jashtëzakonshme që personalisht unë e quaj një bekim i kësaj kohe.” Identiteti digjital, sipas Ramës, do të jetë një instrument i rëndësishëm për kalimin nga paratë cash në transaksione digjitale.