Një autostradë e përfunduar së fundmi në Kinë gjarpëron përmes maleve që janë prerë në mes për të ndërtuar rrugën. Autostrada lidhet me Urën e Kanionit të Madh Huajiang, e cila pritet të hapet në Provincën jugperëndimore Guizhou më vonë këtë vit. Pamjet mahnitëse tregojnë malet e prera përgjysmë mes të cilave ngrihet autostrada. Me mbi 92 përqind të provincës Guizhou të rrethuar me male, inxhinierët që po ndërtojnë Urën e Kanionit Huajiang, 2,050 metra të lartë nuk kishin zgjidhje tjetër veçse të çanin majat e maleve. E vendosur të hapet në fund të vitit 2025, ura do të jetë më e larta në botë, duke u ngritur për 2051 metra mbi fundin e kanionit. Kjo arritje inxhinierike e shndërron një udhëtim malor dredha-dredha që dikur zgjaste një orë, në një kalim njëminutësh deri në qiell. Struktura kryesore mbajtëse prej çeliku e urës është ndërtuar nga 93 segmente dhe peshon rreth 22,000 tonë, tre herë më shumë se pesha e Kullës Eiffel. Në janar, ndërtuesit instaluan përforcimin përfundimtar prej çeliku, që peshon 215 ton. Puna në projektin prej 262 milionë eurosh filloi në janar 2022. Pothuajse gjysma e 100 urave më të larta në botë ndodhen në Guizhou.