Presidentja e Gjeorgjisë, Salome Zurabishvili, kritike e madhe e partisë në pushtet Ëndrra Gjeorgjiane, e ka quajtur Parlamentin e vendit si të jashtëligjshëm dhe është zotuar se do të mbajë postin e presidentes edhe pasi t’i ketë mbaruar mandati në dhjetor. Ndërkohë, Uashingtoni njoftoi se e ka shkëputur “partneritetin strategjike” me Gjeorgjinë. Gjeorgjia është duke u përballur me trazira prej zgjedhjeve parlamentare në tetor, të cilat i fitoi partia në pushtet Ëndrra Gjeorgjiane, por me opozitën dhe qeveritë perëndimore që argumentuan se votimi u shoqërua me shkelje dhe me ndërhyrje nga rusia. Zurabishvili tha se Parlamenti “ilegal” nuk ka të drejtë të zgjedhë pasardhësin e saj pas përfundimit të mandatit në dhjetor dhe u zotua se do ta mbajë postin. “Nuk ka Parlament legjitim, dhe për rrjedhojë, një Parlament jolegjitim nuk mund ta zgjedhë një president të ri”, tha Zurabishvili.