Skuadra spanjolle u kurorëzua kampione e Botës në futbollin për femrat, ku mundi 1-0 kampionët e Europës Anglinë në finalen e zhvilluar në Australi. Përveç fitores vëmendjen më të madhe e mori puthja në buzë që Presidenti i Federatës Spanjolle të Futbollit, Luis Rubiales i dha futbollistes Jenni Hermoso. Gjatë kurorëzimit, presidenti ka uruar lojtaren dhe e ka puthur në buzë. Por kjo puthje e vogël është kapur nga kamerat dhe është bërë shpejt virale në rrjetet sociale. Audienca e vlerësoi si të papërshtatshme sjelljen e Presidentit të Federatës Spanjolle, “Nuk është se më pëlqeu, por nuk kisha çfarë t’i bëja”, tha sulmuesja e Spanjës. Gjithashtu edhe Presidenti i Federatës Spanjolle të Futbollit, Luis Rubiales ka reaguar për mediat spanjolle. “Ka idiotë kudo. Nuk duhet t’i kushtojmë vëmendje këtyre idiotëve. Jemi kampion bote, të shijojmë gjërat e bukura. Nuk kishte ligësi në atë gjest”, tha Rubiales.