Shqiptari Koçi Selamaj ka pranuar autorësinë e krimit përpara autoriteteve britanike, pasi është ai pikërisht personi që vrau Sabina Nessën. 28-vjeçara ishte me profesion mësuese. Sipas mediave të huaja dyshohet se Selamaj ka udhëtuar nga shtëpia e tij në Eastbourne të Londrës, për në bregun jugor, me qëllim kryerjen e asaj që prokuroria pretendon se ishte një sulm ‘i paramenduar dhe grabitqar’. Nessa u gjet e vdekur në Cator park, Kidbrooke, në juglindje të Londrës, më 18 shtator, një ditë pasi doli nga shtëpia e saj për të takuar një mik në një bar aty pranë. Sipas prokurorisë ajo është goditur me një dru rreth 60 cm të gjatë, nga një person, që fillimisht u dyshua I huaj. Trupi I saj u gjet I mbuluar me gjethe në një park. Mister mbeten shkaqet e vrasjes, pasi dyshohet se shqiptari Selamaj dhe viktima Nessa, nuk kishin njohje me njëri-tjetrin. Ishte vetë Selamaj, I cili gjatë seancës gjyqësore pranoi krimin e rëndë.