Banka e Shqipërisë ka një rol primar në negociatat për anëtarësim, duke qenë pjesë e grupeve të punës për pesë kapituj dhe duke udhëhequr dy prej tyre “Lëvizja e Lirë e Kapitalit” dhe “Politikat Ekonomike dhe Monetare”. Në çelje të konferencës vjetore të Bankës së Shqipërisë, guvernatori Gent Sejko evidentoi sfidat që ka Shqipëria në harmonizimin e plotë ligjor. Sejko: “ Procesi i integrimit nënkupton edhe një ekspozim në rritje ndaj flukseve financiare në formën e investimeve të portofolit. Këto flukse i shërbejnë zhvillimit të tregut financiar dhe reduktojnë kostot e përgjithshme të financimit në vend, por ato tentojnë të gjenerojnë volatilitet në terma të likuiditetit dhe të kursit të këmbimit. Administrimi me sukses i tyre do të jetë një sfidë në rritje për Bankën e Shqipërisë dhe institucionet e tjera ligjzbatuese.