185 efektivë të forcave të rendit do të menaxhojnë situatat e krijuara në akset rrugore që të çojnë në Malin e Tomorrit për pelegrinazhin qe do të kryhet nga 18 deri më 25 gusht. Drejtoria Vendore e Beratit ka hartuar planin e masave për garantimin e rendit dhe sigurisë, për parandalimin e aksidenteve, rritjen e sigurisë rrugore, garantimin e qarkullimit normal të mjeteve dhe këmbësorëve në akset rrugore dhe në zonat turistike, para, gjatë dhe pas zhvillimit të pelegrinazhit në Malin e Tomorrit. Policia e Beratit ka publikuar itenerarin e qarkullimit për mjetet e pelegrinëve si dhe për ato që kthehen nga Mali i Tomorrit. Itinerari për drejtuesit e mjeteve që shkojnë drejt teqesë do të jetë në hyrje të qytetit të Beratit, për të vijuar më pas nga rrethrrotullimi i Kombinatit, Unazën e qytetit, rrethrrotullimi I Uznovës, Kryqëzimi Plirëz dhe Teqeja e Kulmakut.