Autoritetet greke kanë nisur një operacion policor për identifikimin dhe arrestimin e autorëve të plagosjes së regjistruar të shtunën në zonën Gazi në Athinë. Sipas policisë greke,ngjarja ndodhi në orët e para të mëngjesit të së shtunës mbas një sherri banal mes aytorëve dhe tre të plagosurve. Të njëjtat burime bëjnë me dije se ka qenë një shpullë, ajo e cila ka çuar në përplasjen me armë, ku mbetën të plagosur 3 persona, 2 prej të cilëve vëllezër. Të plagosurit ndodhen në gjendje të rëndë në një spital të kryeqytetit helen. Një kamer sigurie ka fiksuar momentin e përleshjes ku duket momenti që autori shtin mbi viktimat. Sipas autoriteteve helene nga verifikimet paraprake të kamerave të sigurisë dhe verifikimit të targës së automjetit të autorëve, janë shpallur në kërkim dy të dyshuar, njëri prej të cilëve dyshohet të jetë shtetas shqiptar, anëtar i një organizate të quajtur Lions, por ende nuk bëhet e ditur nëse të dyshuarit kanë lidhje ose jo me ngjarjen.