Një 48-vjeçar është vënë në pranga për veprën penale ‘Ndërtimi u paligjshëm’. Policia bën me dije se 42-vjeçari ra në pranga në kuadër të operacionit për lirimin e hapësirave nga ndërtimet pa leje përgjatë vijës bregdetare në qarkun Vlorë. Teksa kanë ushtruar kontrolle në Borsh, janë konstatuar të ndërtuara pa leje 4 objekte me strukturë druri, konkretisht 1 beach-bar dhe 3 dhoma plazhi. Policia ka bërë dije se operacionet policore “Coastline” dhe “Plazhi i lirë” do të vijojnë intensivisht në qarkun Vlorë, me qëllim rikthimin e hapësirave publike dhe ndëshkimin sipas ligjit të çdo shtetasi që prek këto hapësira. Sakaq, Policia Kufitare dhe Njësia Policore Detare kanë njoftuar se kanë bllokuar 3 mjete lundruese të cilat kanë shkelur perimetrin e sigurisë ujore në plazhin e Qeparosë dhe të Karaburunit, duke rrezikuar jetën e pushuesve. Drejtuesit e mjeteve lundruese 2 Jet Ski dhe 1 skaf, janë ndëshkuar me masë administrative prej 100,000 lekësh të rinj. Policia ka njoftuar se një tjetër skaf është bllokuar për shkak se ushtronte aktivitetin pa licencë, ndërsa u ka bërë thirrje qytetarë që të denoncojnë çdo rast paligjshmërie.