Në më shumë se tre vjet e gjysmë lufte, Ukraina i ka kërkuar vazhdimisht Shteteve të Bashkuara t’i japin sisteme mbrojtëse dhe sulmuese për të luftuar në mënyrë efikase Rusinë, si në qiellin e saj ashtu edhe në territor armik. Furnizimet shumë të diskutuara të raketave Tomahaëk u ndërprenë që në fillim pikërisht sepse ato ishin të destinuara për qëllime sulmuese, me Kremlinin që është gati t'i shohë ato si një deklaratë lufte nga Uashingtoni dhe NATO. Administrata Trump, megjithatë, ka rënë dakord për transferimin në Kiev të sistemeve të mbrojtjes ajrore Patriot, të cilat tashmë i janë dorëzuar vendit nën Presidentin Biden. Por dërgesa e re e 25 baterive raketore është pjesë e një kontrate afatgjatë, shumëmiliarda dollarëshe, e cila ende duhet të shpallet nga autoritetet amerikane dhe e cila, pasi të miratohet përfundimisht, do të dorëzohet gjatë disa viteve. Prandaj, asnjë sistem Patriot nuk do të dorëzohet menjëherë, në një kohë kur Ukraina po përballet me një ofensivë të rindezur të Rusisë dhe po konkurron me Moskën në bombardimin e vendeve energjetike dhe strategjike. Pala ukrainase dhe ajo amerikane kanë deklaruar se nuk mund të zbulojnë të gjitha detajet e dorëzimeve të reja të sistemeve Patriot. Ajo që dihet me siguri është se, sipas një studimi të publikuar nga Instituti i Kielit, dërgesat e përgjithshme të ndihmës ushtarake amerikane në Ukrainë kanë rënë ndjeshëm në muajt e fundit. I dorëzuar për herë të parë në Ukrainë nën administratën Biden në vitin 2023, sistemi i raketave tokë-ajër Patriot mbetet thelbësor për mbrojtjen kundër sulmeve raketore ruse ndaj objektivave ushtarake dhe infrastrukturës civile. Ndryshe nga Patriotët, Tomahokët janë sisteme që shërbejnë për të sulmuar dhe jo për t’u mbrojtur. Ndërsa edhe F-16 apo sistemet Himars që janë dërguar tashmë në Kiev, mund të konsiderohen armë mbrojtëse, Tomahokët jo. Frika e strategëve amerikanë është që dërgimi i tyre në Ukrainë mund ta tërheqë NATO-n direkt në luftë me Rusinë. Përvec kokave të zakonshme, në tomahok mund të montohen edhe bomba bërthamore ga 5 deri në 200 kilotonë.