Një 60-vjeçar i dënuar më parë për ngacmim sekusal, u arrestua me kërkesë të Prokurorsë për të njëjtën vepër penale. I akuzuari u ndalua fillimisht pas kallëzimit të bërë nga një 15-vjeçar dhe babai i tij por për shkak të rrezikut se mund të largohej ai u vendos në pranga. Ngjarja ka ndodhur më datë 25 nëntor, ku sipas të miturit, 60-vjeçari e kapi dhe më pas e çorri nga dora. Por vetëm pas afrimit të të atit, ai e lëshoi dhe u largua prej tij. Nga akt-ekspertiza mjekoligjore rezultoi se 15-vjeçari kishte dëmtime të shkaktuara me mjet të fortë prehës. Ndërkohë babai i të miturit pohoi para hetuesve se mori një telefonatë nga i biri i cili i tha se po e ndiqte një burrë dhe ai menjëherë doli nga banesa dhe shkoi në drejtim të tij. Nga ana e organit procedues u bë këqyrja e pamjeve filmike nga ku rezultoi se i mituri kthen kokën pas për të parë kush e ndjek dhe më pas shfaqet 60-vjeçari që e ndjek nga pas. Organi akuzës argumenton se ka dyshime që në këtë rast të jetë konsumuar vepra penale “Ngacmim seksual” për këtë arsye kërkoi dhe arrestimin e të akuzuarit. Prokuroria kërkon që masa e dënimit të jetë jo më pakë se katër vjet në maksimum, pasi vepra në rastin konkret dënohet në maksimumin e saj me 7 (shtatë) vjet burgim.