Në Kosovë ende janë aktive katër vatra të zjarrit nga 50 sa kanë qenë në fund të javës së kaluar, tha Nehat Kocinaj zëdhënës në Agjencinë e Menaxhimit të Emergjencave. “Vatrat e zjarrit janë në rajonin e Suharekës, të Prizrenit, në Parkun kombëtar 'Bjeshkët e Nemuna' dhe në Janjevë, Komuna e Lipjanit”, tha ai. Komuna e Suharekës, prej tre ditësh po ballafaqohet me shpërthime zjarresh në disa fshatra. Kryetari i kësaj komune, Bali Muharremaj, tha se aktualisht situata është nën kontroll. Mëngjesin e të martës, në Suharekë mbërriti edhe kryeministri Albin Kurti, i cili bëri thirrje për kujdes të shtuar. “Duhet të jemi shumë vigjilentë dhe të kujdesshëm, meqenëse edhe sot, edhe nesër, edhe pasnesër, do të jenë temperaturat e larta dhe erërat e fuqishme e bëjnë shumë më të vështirë fikjen e zjarreve më pastaj”