Largimi i forcave të reja të punës jashtë vendit dhe nevojat ekomonike kanë bërë që nga viti në vit të rritet numri i të moshuarve, të cilët janë ende aktiv në tregun e punës edhe pas moshës 65 vjeç. Të dhënat e Institutit të Statistikave, tregojnë se në vitin 2024 shkalla e punësimit për personat mbi 65 vjeç ka arritur në 25 për qind, nga 17.6 për qind që ishte një vit më parë. Në sektorët e arsimit apo shëndetësisë ka ende pensionistë që japin kontibutin e tyre. Kjo tendencë mund të thellohet në vitet e ardhshme, nisur nga trendi i emigracionit dhe niveli i pensioneve. Të dhënat e Institutit të Sigurimeve Shoqërore shfaqin një skemë pensionesh ku numri i kontribuesve dhe përfituesve po përafrohet. Në vitin 2024 ishin rreth 844 mijë të punësuar, që kontribojnë në pagimin e sigurimeve; dhe rreth 721 mijë të moshuar që përfitojnë pension, pjesa dërmuese e tyre, pension urban.