Një 37-vjeçar është plagosur me mjet prerës thikë në orët e vona të natës, për arsye ende të paqarta, ndërsa autori i dyshuar është kapur dhe vënë në pranga. I arrestuari, një person 28-vjeçar nga Tirana, ishte më parë nën masën e sigurisë “arrest në shtëpi” për akuzën e drejtimit të automjetit në mënyrë të parregullt. Pasi morën njoftimin rreth orës 00:10 për plagosjen me mjet prerës në rrugën “Ndre Mjeda”, shërbimet e Komisariatit të Policisë numër 2 shkuan në vendngjarje për të bërë të mundur zbardhjen e ngjarjes si dhe arrestimin e autorit. Pas një hetimi dhe veprimeve të shpejta operative, autoritetet arritën të identifikonin dhe kapnin autorin e dyshuar të plagosjes. I plagosuri ka marrë ndihmën mjekësore dhe ndodhet jashtë rrezikut për jetën. Sakaq është gjetur dhe sekuestruar mjeti prerës me të cilin autori plagosi 37-vjeçarin.