Tre persona, anëtar të së njëjtës familje, u plagosën me armë zjarri pak pas mesnate këtë të martë. Dy vëllezër të moshës 36 dhe 34 si dhe motra e tyre 36-vjeçe u paraqitën rreth orës 01:35 në një spital privat për ndihmë mjekësore. Por mjekët konstatuan se plagët ishin shkaktuar me armë zjarri e për këtë arsye njoftuan policinë. Pas marrjes së dëshmive, rezultoi se tre të plagosurit ishin qëlluar nga një 32-vjeçatr gjatë një feste familje në një lokal në rrugën e Kavajës. Por edhe pse ngjarja u raportua fillimisht si aksidentale, nga këqyrja e kamerave të sigurisë rezultoi se shkrepja e armës nuk ishte e pavullnetshme. Policia shpalli në kërkim autorin I cili akuzohet për veprën penale “Plagosja e rëndë me dashje", ndërkohë u arrestuan dy miqtë e tij të moshës 28 dhe 26 vjeç pasi rezultoi se fashën armën e krimit me qëllim që të pengonin zbardhjen e saj. Dy nga të plagosurit janë larguar në banesat e tyre pas marrjes së ndihmës mjekësore, ndërsa e plagosura e tretë ndodhet në spital, nën kujdesin e mjekëve dhe është jashtë rrezikut për jetën.