Fabion Kuçi, i njohur në rrjetet sociale me nofkën “Gucci”, është plagosur mbrëmjen e së hënës në qytetin e Durrësit. Ngjarja ka ndodhur rreth orës 23:40, në ambientet e një lokali në lagjen nr. 9, e njohur ndryshe edhe si Lagjja e Re. Sipas Policisë së Durrësit, 33-vjeçari u qëllua me armë zjarri. Ai ka marrë ndihmën e nevojshme mjekësore dhe më pas është larguar nga spitali, duke qenë jashtë rrezikut për jetën. Policia bën me dije se autori i dyshuar i plagosjes është identifikuar, por për shkak të hetimeve në vijim, gjeneralitetet apo detaje të tjera nuk janë bërë publike.