Ish Sekretari i Përgjithshëm i LSI-së, Endrit Brahimllari në një intervistë televizive shprehu gatishmërinë e tij për t’u bashkuar me Partinë Socialiste për zgjedhjet e 11 majit. Brahimllari, që mbajti postin e numrit dy të LSI-së gjatë kohës që kjo parti u drejtua nga Monika Kryemadhi u dëbua pas rikthimit të Metës, që veç ndryshimit të emrit të partisë, spastroi nga strukturat bashkëpunëtorët më të ngushtë të Monika Kryemadhit. Menjëherë pas kësaj deklarate të Brahimllarit ka reaguar Partia e Lirisë përmes zëdhënëses së saj. Zëdhënësja Jasmina Memelli shkruan në rrjetet sociale se Brahimllari është i kapur peng për shkak të firmave dhe veprimeve të papërgjegjshme, të parregullta dhe të korruptuara. Ajo e konsideron atë sufllaqexhi ordiner që është shndërruar në një kërmill lëpirës.