Për herë të parë pas disa muajsh, deputetët e grupit parlamentar të Partisë Demokratike do të ulen në një tryezë të përbashkët, për të dalë me një qëndrim pak minuta përpara nisjes së seancës plenare dhe diskutimeve në të për çështjet në rendin e ditës. Kryetari i komanduar i Partisë Demokratike, Enkelejd Alibeaj njoftoi zyrtarisht deputetët e grupit parlamentar të Partisë Demokratike si dhe të pezulluarit nga kjo forcë politike, për t’u mbledhur këtë të enjte në selinë e partisë. Por, Flamur Noka i kërkoi Alibeajt, që në mbledhje të marrin pjesë edhe të përjashtuarit nga ish kryedemokrati Lulzim Basha, të cilët aktualisht janë pjesë e Komisionit të Rithemelimit. Kërkesë, të cilën Alibeaj e ka pranuar, por me kushtin e vetëm të mospërfshirjes së Sali Berishës, të shpallur non grata nga Shtetet e Bashkuara të Amerikës. Por, ky refuzim nga Alibeaj nuk është mirëpritur nga Berisha, që pas një mbledhjeje me Grupin e Rithemelimit dhe interesimit të gazetarëve dha këtë përgjigje.