Policia Rrugore e Shkodrës ka shtuar kontrollet në akset rrugore kryesore të Shkodrës dhe të zonave bregdetare, për shkak se fluksi i lëvizjeve është rritur nga sezoni turistik. Patrullimet e shtuara të cilat kanë patur në fokus rritjen e parametrave të sigurisë rrugore dhe parandalimin e shkeljejeve të ndryshme, të cilat kanë qenë shkak për aksident, kanë proceduar penalisht 12 shtetas për drejtim mjeti në gjendje të dehur dhe pa leje drejtimi. Gjithashtu janë pezulluar 6 leje drejtimi, ndërsa janë vendosur mbi 700 masa administrative për shkelje të ndryshme, konkretisht për parakalime të gabuara, për mosvendosjen e rripit të sigurimit, për përdorimin e celularit gjatë drejtimit të mjetit, për mosmbajtjen e kaskës mbrojtëse dhe për shkelje të tjera të Kodit Rrugor. Policia Rrugore vijon e pranishme në akset e ndryshme të qarkut, me qëllimin parandalimin e aksidenteve rrugore.