Ish-portieri i famshëm holandez, Edvin van der Sar, 52 vjeç, ka pësuar hemorragji në tru dhe ndodhet në terapi intensive. Van der Sar ndodhej në Kroaci për pushime, siç raporton gazetari holandez Majk Vervij, kur pësoi goditjen dhe u transferua me helikopter në spital pasditen e kësaj të premteje, pak pas ngjarjes dhe u shtrua në terapi intensive. Klubi i Ajaxit njoftoi pasditen e të shtunës se Van der Saar vijon të jetë në gjendje kritike, nën kujdesin intensive të mjekëve. Manchester United, klubi për të cilin luajti mes sezoneve 2005 dhe 2011 ka dërguar gjithashtu një mesazh mbështetjeje në rrjetet sociale për ish-portierin, që numëron 86 ndeshje me “Djajtë e Kuq”. Klubit anglez iu bashkuan në mesazhe mbështetëse edhe futbollistë e ish-futbollistë, të cilët kanë luajtur apo e kanë njohur nga afër portierin legjendaj holandez. Edvin Van der Sar mbante postin e Drejtor Ekzekutiv në klubin e Ajaxit, që nga viti 2016 dhe u largua vetëm qershorin e kaluar.