Një ngjarje e rëndë është regjistruar këtë të dielë në ujrat e liqenit të Prespës, ku një 45 vjecar, i identifikuar si Stavri Vasilovski, dyshohet se është mbytur. Burimet policore bëjnë me dije se, 45 vjecari kishte hyrë në liqen për të peshkuar bashkë me vëllain dhe një person tjetër, ndërsa varka është përmbysur, për shkak të dallgëve të forta dhe motit të keq. Si pasojë, Vasilovski mbeti i mbytur, pasi varka e zuri përfund dhe nuk arriti të mbijetonte. Ndërsa dy personat e tjerë arritën të dilnin në breg duke notuar. Viktima, babai i dy fëmijëve, nuk mundi të notojë dot për shkak të veshjes së tij të trashë dhe cizmeve që kishte veshur. Të paktën kështu u raportua nga policia. Pavarësisht përpjekjeve të të afërmve të 45 vjecarit, si dhe të banorëve të zonës përreth, nuk arritën dot të gjenin trupin e pajetë. Për këtë arsye është kërkuar ndihma e polombaradheve për të gjetur dhe për të nxjerrë trupin e pajetë të 45 vjecarit në breg.