Nasa ka njoftuar se do të dërgojë dy misione të reja në planetin afërditë në mënyrë që të ekzaminojë atmosferën e planetit dhe përbërjen gjeologjike. Misionet, që do të kenë secili rreth 500 milionë dollarë financime, do të lancohen mes 2028 dhe 2030-ës. Administratori i NASA-s tha se misionet do të ofrojnë shansin për të hetuar një planet i cili është lënë jashtë vëmendjes prej më shumë se 30 vitesh. Sonda e fundit amerikane që vizitoi planetin ishte orbituesi Magelan në 1990. Sidoqoftë, të tjera misione nga evropa dhe japonia kanë hyrë në orbitën e planetit që atëherë. Misionet janë përzgjedhur pas një procesi vlerësimi që ka dalë në përfundimin se vlera shkencore e tyre është e madhe. Këto dy misione simotra synojnë të kuptojnë se si afërdita u bë një planet ferri, i aftë që të shkrijë metal në sipërfaqen e tij – tha Nelson. Afërdita është planeti i dytë më i largët nga dielli dhe më i nxehti në sistemin tonë diellor, me një temperaturë në sipërfaqe prej 500 gradësh celcius që mund të shkrijë gjithcka.