Moderatorja Bora Zemani, pak ditë më parë konfirmoi se do të ishte sërish prezantuese, edhe në sezonin e ri të “Për’puthen”, program ky pa dyshim një nga më të ndjekurit të ekranit ‘Top Channel’. “Po do jem more, do jem, normal që do jem”, u shpreh Zemani, teksa shtoi se vajzat mund të vijojnë aplikimet për tu bërë pjesë e programit, ndërsa audicionet për djemtë janë mbyllur. Këtë të hënë, në videon promo të sezonit të ri, të publikuar në faqen zyrtare të Top Channel, është konfirmuar edhe data e nisjes së sezonit të ri. E ulur para një tavoline mbushur me dosje, Bora Zemani njofton se më 6 shtator, programi rikthehet në transmetim. Ndërkohë, pak ditë më parë, autorja, Olsa Muhameti zbuloi se studioja do të vazhdojë të jetë po e njëjta, pa asnjë ndryshim. Ndër të tjera, ajo tregoi se ishin përzgjedhur edhe konkurrentët e parë që do të futen në studio, 3 vajza dhe 11 djem, që ne të gjithë jemi kuriozë t’i shohim!