Dita e Verës bëri bashkë në Elbasan kryeministrin Rama dhe kryetarin e Partisë Demokratike Basha. Por, prezenca e tyre në qytetin që pritet të ketë një garë të fortë elektorale ka shkaktuar një tensionim të situatës mes militantëve, që është shoqëruar edhe me përleshje fizike. Gjithcka nisi në momentin kur mbërriti kryeministri Rama dhe pas tij kryedemokrati Basha. Situata u tensionua pasi militantët e PD tentuan të shkonin në "Hotel “Skampa, ku ndodhej kryeministri Edi Rama, ndërsa për t’i ndaluar i dolën përpara militantët e PS. Pas përplasjes, policia ka shoqëruar në komisariat disa persona. Vetë Basha, në një prononcim tha për mediat se Rama shoqërohet nga një grup banditësh, duke bërë që edhe një ditë feste në kohë pandemie të marrë më shumë mesazhe politike. Por, pas incidentit, Rama përmes një postimi në Tëitter shkruan se: prej 20 vjetësh në Elbasan nuk kisha parë një turmë ulëritëse me flamuj partie, si ai automobili zhurmues i filmit "Koncert në vitin 36"! Dukeshin si 100 kopje të Ilir Metës, ndërsa Luli kishte parkuar makinën në korsinë e bicikletave e ishte fshehur mes tyre! Kjo shfaqje vulgare është një tjetër shembull i degradimit të një opozite demode, e cila ka në krye një kukull në duart e Saliut&Ilirit, që duan sherr e përçarje, për të marrë peng Shqipërinë e drejtësinë!Keqardhje e madhe për PD e kthye në vegël e dy hallexhinjve të drejtësisë! – shkruan Rama.