Ashtu siç kishin paralajmëruar nje dite me pare, protesta e naftëtarëve të Ballshit është zhvendosur sot ne kryeqytet. Protestuesit u mblodhen përpara Ministrisë së Energjitikës dhe Infrastrukturës dhe gjate protestes te tyre nuk munguan tensionet. Ato janë përplasur me policinë duke kërkuar që të çajnë kordonin e sigurise, ku për pasojë disa pretj tyre u shoqeruan ne komisariat nga uniformat blu. Naftëtarët shprehen të vendosur për të vijuar protestën e tyre, duke kërkuar të bisedojnë me një përfaqësues të Ministrisë për pretendimet e tyre. “Duam ta marrin seriozisht problemin tone, nuk ua kemi borxh askujt. Të marrin një vendim të duhurrë. Ne i përgjigjemi shtetit, kjo është një padrejtësi e madhe”, u shpreh një prej protestuesve. Keta te fundit pretendojnë se kanë 20 paga të pa marra dhe 11 muaj pa punë dhe kërkojnë rifillimin e punës së rafinerisë së Ballshit si dhe pagat e prapambetura.