Në gjykatën civilë të shkallës së parë Tiranë u zhvillua këtë të martë seanca lidhur me padinë e Focus Media Group ndaj kompanisë Kayo, e cila mëngjesin e së shtunës, datë 9 gusht rrethoi godinën ku ushtron aktivitetin kjo shoqëri me argumentin se ata kanë humbur gjyqin për qiranë e ambienteve, për këtë arsye godina do i kalonte kompanisë së prodhimit të materialeve ushtarake. Pala që mbroi në këtë proces Focus Media Group, kërkoi nga gjyqtarja Alma Kodraliu si masë, pezullimin e të gjitha veprimeve që po kryhen nga kompania Kayo, lejimin e stafit të ushtrojë detyrën e tyre dhe të mos i cënohen të drejtat dhe të lejohen gazetarët të përdorin lirisht ambientet e tyre. Ndërsa pala e paditur kërkoi rrëzimin e kërkesës të focus media group, pasi sipas tyre ata kanë pasur të gjithë kohën e mundshme për të gjetur ambiente të reja. Madje thonë se ata kanë pretendime vetëm për godinën e Neës24 dhe jo për godinën e Panoramës, duke ngulur këmbë që nuk kanë ndërhyrë në ambientet e kësaj të fundit.