Plane te folderi Alketa-Greqi plus (Atentat me armë zjarri në një furrë buke), kronike e beret e shtunen Detajë të reja janë bërë publike nga mediat greke lidhur me atentatin me armë zjarri mbrëmjen e së shtunës në një furrë buke në Greqi, ku të plagosur mbetën 3 shqiptarë dhe 2 grekë. Media e njohur greke “Kathimerini” shkruan se personat të cilët kanë ngritur këtë atentat janë të lidhur me botën e krimit dhe se kamerat e sigurisë kanë mundur të filmojnë momentin e qëllimit me armë zjarri si dhe largimin e tyre me vrap nga vendi i ngjarjes. Sipas mediave fqinje, rol kryesorë në këtë ngjarje ka patur një grup kriminal, ndërsa dyshohet se e gjithë ngjarja ka ndodhur për larje hesapesh nga trafiku i drogës. Njëri nga shqiptarët e plagosur ka qenë i arresruar në prill të vitit 2018, pas një sulmi të kryer ndaj një efektivi policie në Kallithea. Ai u arrestua dhe pesë muaj më vonë u lirua. Ngjarja u regjistrua të shunën më 22 janar, ku 5 persona mbetën të plagosur rëndë dhe u dërguan menjehrë në spital. Sipas policisë greke në vendin e ngjarjes u gjetën armë, plumba, një thikë dhe njolla gjaku. Ndërkohë, hetimet për ngjarjen janë duke vazhduar.