12 vite burg do të vuaj ish-polici Arjan Tase që përplasi për vdekje me gomone 7-vjeçaren Jonada Avdia. Ai u shpall fajtor për veprën penale “vrasje me dashje” ndërsa përfitoi nga gjykimi I shkurtuar. Kjo pasi gjykata në ndryshim nga prokuroria që kërkoi 15 vite dënim për Tasen, vendosi të jap 18. Nga të cilat do të vuaj vetëm 12 në një burg të sigurisë së zakonshme. Ngjarja ndodhi dy vite më parë në plazhin e Potamit, ku e mitura ishte me pushime së bashku me prindërit e saj, të cilët jetonin në Angli. Ajo po lahej në breg të detit së bashku me të atin, kur një gomone me dy motorë që drejtohej nga Tase iu afrua zonës. Ai ndaloi për të zbritur disa familjarë të tij, ndërsa teksa po përpiqej për t’u nisur nga bregu I detit goditi 7-vjeçaren që humbi jetën në vend. Për këtë ngjarje u shkarkua nga detyra I gjithë zinxhiri drejtues I policisë së Himarës.