Arrestohet shoferi I makinës që shkaktoi aksidentin me vdekje në aksin rrugor mbikalimi I Patokut-Laç pak ditë më parë ku viktimë mbeti një 59-vjeçar. Në pranga përfundoi një 35-vjeçar. Ai u kap në tiranë pas hetimeve të kryera nga ana e uniformave blu, ndërsa gjykata ka caktuar ndaj tij masën e sigurisë arrest me burg për veprat penale “Shkelja e rregullave të qarkullimit rrugor” dhe “Largimi nga vendi i aksidentit”. Gjithashtu, në vijim të hetimeve, nën drejtimin e Prokurorisë, u arrestua edhe një 23-vjeçar, për veprat penale “Deklarim i rremë para oficerit të policisë gjyqësore” dhe “Veprime që pengojnë zbulimin e së vërtetës”. Arrestimi i tij u bë pasi gjatë veprimeve procedurale ka dhënë deklaratë të rremë para oficerit të policisë gjyqësore, duke pretenduar se ishte ai drejtuesi i automjetit që shkaktoi aksidentin, ndërkohë që nga aktet hetimore është provuar se drejtues i automjetit ishte 35-vjeçari.