Një aksident i rëndë rrugor është regjistruar mesditën e të mërkurës në zonën e Qafë Toblit, në Kukës, ku dy automjete janë përplasur kokë më kokë, duke lënë të plagosur pesë persona, mes tyre një fëmijë. Sipas burimeve zyrtare, në aksident janë përfshirë një mjeti tip Audi në të cilin udhëtonin katër anëtarë të së njëjtës familje dhe një kamionçinë. Përplasja ka qenë shumë e fortë, duke shkaktuar dëme të mëdha materiale dhe plagosjen e të gjithë personave të përfshirë në aksident. Tre prej tyre janë në gjendje të rëndë, ndërsa janë transportuar me urgjencë në Spitalin Rajonal të Kukësit.