Reshjet intensive të shiut dhe të pandërprera kanë shkaktuar probleme në disa komuna në Kosovë. Sipas mediave lokale, situata më e rënduar paraqitet në Gjakovë, ku raportohet se dy lumejtë Erenik dhe Krena kanë dalë nga shtrati. Vërshime të mëdha uji ka pasur edhe në Skënderaj, Drenas, Malishevë, Rahovec, Klinë dhe Deçan. Instituti Hidrometeorologjik i Kosovës ka bërë të dije se se reshjet e ditëve të fundit kanë shkaktuar që lumenjtë kryesore të vendit - si Ibri, Sitnica, Lepenci, Morava e Binçës - kanë pësuar ngritje të lehtë të nivelit të ujit. Përmbytjet në disa rrugë kanë bërë që KEDS të ndërpresë energjinë elektrike në Drenas, Malishevë dhe Rahovec.