Autoritetet italiane evakuuan rreth 1,000 njerëz nga shtëpitë e tyre, ndërsa stuhia Boris goditi rajon verilindor duke shkaktuar përmbutje të shumta. Erërat e forta dhe shirat që kanë përfshirë Evropën Qendrore dhe Lindore, duke vrarë 24 njerëz, goditën rajonet Emilia-Romagna dhe Marche të mërkurën, duke lënë disa qytete nën ujë. Zëvendësministri i Transportit Galeazzo Bignami tha në një konferencë për shtyp se dy persona ishin të zhdukur pasi u strehuan në një çati e cila më pas u shemb. Shkollat u mbyllën dhe trenat u anuluan të enjten pasi shirat goditën rajonin. "Ka një metër e gjysmë ujë në shtëpinë time" tha një banor për afp. "Ne jemi në një emergjencë të plotë," i tha Radio 24 kryebashkiaku i Ravenës, Michele De Pascale, duke thënë se situata ishte "shumë e ngjashme me përmbytjet e vitit 2023". Stuhia Boris ka sjellë përmbytje të mëdha dhe shira të rrëmbyeshëm, me viktima në Austri, Republikën Çeke, Poloni dhe Rumani. Ekspertët thonë se ndryshimet klimatike të shkaktuara nga emetimet e gazeve serrë të krijuara nga aktivitetet njerëzore po rrisin shpeshtësinë dhe intensitetin e ngjarjeve ekstreme të motit si shirat e rrëmbyeshëm dhe përmbytjet.