Veriu I Italisë është goditur nga moti I keq. Rrebeshet e shiut të rëna gjatë orëve të fundit kanë shkaktuar përmbytje të mëdha në shumë zona. Viçenca shpalli alarmin e kuq. 230 milimetra shi u regjistruan brenda gjashtë orëve në këtë zonë. Fenomen ky që ndodh të paktën njëherë në 300 vite sipas mediave italiane të cilat I referohen statistikave të institutit meteorologjik. Përmbytje u raportuan gjithashtu në provinca të tjera, veçanërisht në Padova . “Nuk e prisnim një përmbytje si kjo në mes të majit”, komentoi presidenti i Rajonit Veneto, Luca Zaia. Niveli I ujit u rrit në të gjitha rrugët, dukë përmbytur katet e para të shumë banesave në të gjithë veriun. Ndërkohë operacionet e shpëtimit në komunat e Milanos, po vijojnë. Për të larguar ujin nga grazhdet dhe katet e para të ndërtesave autoritetet po përdorin pompat e ujit. Nga dalja e prrenjëve nga shtrati u dëmtuan dhe shumë ura si dhe rrugë duke pezulluar qarkullimiun e automjeteve. Me shpejtësi nga reshjet intensive po rritet niveli I ujit edhe në Lombardi dhe Emilia Ramagna