Një ngjarje e rëndë u regjistrua në orët e para të mëngjesit në Rripin qendror të Gazës, ku një kamion që transportonte ndihma humanitare u përmbys pranë kampit të refugjatëve në Nuseirat, duke shkaktuar vdekjen e të paktën 20 personave. Sipas autoriteteve lokale, viktimat ishin në mesin e njerëzve që po përpiqeshin të merrnin ushqime nga kamioni i ndihmave. Shoferët e mjeteve që transportojnë ndihma raportojnë se shpërndarja është bërë gjithnjë e më e rrezikshme. Hamasi akuzon Izraelin për detyrimin e shoferëve të përdorin rrugë të pasigurta drejt pikave të shpërndarjes.