Shefi i Grupit Parlamentar të Lidhjes Demokratike të Kosovës, Arben Gashi teksa mori fjalën në Kuvend u shpreh se koordinimi me terroristin Milan Radojiçiç është fatkeqësi për Kosovën. Pas kërkesës për debat parlamentar nga PDK, Gashi u shpreh se Radojiçiç ka kryer akte terroriste ndaj shtetit të Kosovës dhe se ka vrarë një efektiv policie. “Është për keqardhje se ku ka arrit debati publik në Kosovë. Debati publik sot në Kosovë ka arritur në pikën e degjenerimit të vet se sa është i përfshirë terroristi Millan Radoiçiq në Qeverinë dhe Parlamentin e Kosovës. Kjo është fatkeqësi për Kosovën, fatkeqësi e cila e dëmton sakrificën e secilit qytetar të Kosovës. E dëmton besimin e secilit qytetar të Kosovës. Sot çfarë po dëgjojmë këtu dhe ajo çka pamë dje është në vazhdën e logjikës të cilën LVV e ka ndërtuar si logjikë e përbaltjes dukje qenë vet e zhytur deri në fyt me kriminelë si Millan Radojiçiq. Ky është tmerri i demokracisë në Kosovë. Ky është tmerri i përfaqësimit në Kosovë. Çfarë përfaqësojnë këta deputetë kur kryetarja e tyre e grupit tyre parlamentar akuzon para, mbrapa, anash, djathtas, majtas, pështynë në tëra anët dhe këta entuziazmohen”,