Aksident i trefishtë në aksin Lezhë-Shkodër, plagosen dy të reja dhe një çift gjerman Një aksident i rëndë është regjistruar në aksin rrugor Lezhë-Shkodër, ku dy makina dhe një kamper janë përplasur me njëra-tjetrën. Shkak për aksidentin dyshohet të jetë bërë parakalimi i gabuar nga makina tip Audi e cila drejtohej nga një vajzë. Sipas burimeve në vendin e ngjarjes audi pasi është futur në parakalim ka humbur kontrollin e mjetit duke u përplasur me barrierat mbrojtëse te rrugës, duke i prerë rrugën kamperit. Kamperi dhe makina tjetër e cila ndodhej mbrapa kanë përfunduar në kanalin anësor të rrugës. Në spital është transportuar drejtuesja e mjetit tip audi, si dhe pasagjeria e makinës tip golf e cila është e përmbysur në anë të rrugës Çifti gjerman i cili po udhëtonte me kamper janë jashtë rrezikut dhe po japin detaje ne vendin e ngjarjes.