I dërguari i Kinës në Kombet e bashkuara bëri apel që të gjitha palët të vetëpërmbahen dhe të evitohet ndezja e tensioneve në Ukrainë, por sidoqoftë, nuk dënoi njohjen e pavarësisë së dy rajoneve separatiste të Ukrainës nga ana e Moskës. Në këtë mënyrë, Pekini po mban një pozicion të komplikuar ndërkohë që kriza në Ukrainë intensifikohet dhe po përpiqet të vendosë në balancë lidhjet e thella me moskën, me politikën e tij fikse të mbrojtjes me vendosmëri të sovranitetit të shteteve. Në një deklaratë të shkurtër në Këshillin e Sigurimit të OKB, ambasadori i Kinës, Zhang Jun, tha se pekini mirëpriste dhe inkurajonte cdo përpjekje për një zgjidhje diplomatike, duke shtuar se të gjitha shqetësimet duhen trajtuar mbi bazën e barazisë. Situata aktuale në Ukrainë është rezultat i shumë faktorëve kompleksë. Kina, gjithnjë pozicionohet mbi bazën e meritave të vetë cështjes. Ne besojmë se të gjitha vendet duhet ti zgjidhin përplasjet ndërkombëtare me mjete paqësore, në linjë me qëllimet dhe parimet e kartës së kombeve të bashkuara – tha ai. Pas këshillit të Sigurimit, edhe ministria e jashtme kineze doli me të njëjtin qëndrim: vetëpërmbajtje nga të gjitha palët, dialog dhe negociata. E ndërkohë, Putin ka mbledhur në kremlin aleatët e tij, kryesisht nga vendet nën sferën ruse të ndikimit, duke vulosur mbështetjen e tyre.