Disfata e 25 prillit u shoqërua me reagime të forta si dhe protesta në rradhët e demokratëve, të cilët bëjnë përgjegjës kryetarin e Partisë Demokratike për rezultatin e zgjedhjeve parlamentare. Pas reagimit të Agron Dukës, kryetarin e Partisë Agrare Ambjentaliste ndaj kryedemokratit, kanë ardhur akuza të forta edhe nga Lëvizja Socialiste për Integrim. Kandidatja për deputete e Lëvizes Socialiste për Integrim, njëherazi edhe ish drejtoresha e përgjithshme e tatimeve, Brisilda Shehaj, ka mundur të sigurojë vetëm 918 vota në qarkun e Tiranës dhe si rezultat nuk ka siguruar mandat deputeti në zgjedhjet parlamentare. Në postimin e saj në rrjetet sociale, Brisilda Shehaj fajëson Partinë Demokratike për humbjën e 25 Prillit. Shehaj shprehet se Lulzim Basha ka skenaret e veta dhe jo të opozitës, teksa thekson se djegia e mandateve ka qenë një vendim i gabuar që ka sjellë edhe humbjen e Lëvizjes Socialsite për Integrim në zgjedhjet e 25 Prillit.