Në 12 tetor Kombëtarja shqiptare do të luajë ndaj Cekisë, një ndeshje shumë e rëndësishme kjo për kuqezinjtë teksa në lojës është kualifikimi në fazën finale të Evropianit të Gjermanisë që do të mbahet vitin e ardhshëm. Në kuadër të përgatitjeve të kësaj supersfide, drejtues të Federatës shqiptare të Futbollit me në krye presidentin Armand Duka ka zhvilliuar një takim me Ministrin e Brendshëm, Tauland Balla, një takim ku ishin të pranishëm edhe Drejtori i Përgjithshëm i Policisë së Shtetiut, Muhamet Rrumbullaku Pasi u bë një analizë e ndeshjes së 10 shtatorit me Poloninë dhe problematikave të shfaqur gjatë saj, të dy palët diskutuan organizimin e përballjes me Cekinë me synimin që të mos përsëritet ajo cfarë ndodhi ndaj skuadrës polake duke përfshirë këtu edhe hedhjen e flakadanëve në fushën e lojës nga ana e tifozëve