Në muajin qershor të këtij viti është rritur numri i përfituesve nga skema për Pensionet e Forcës së Sigurisë së Kosovës. 847 është numri i personave që kanë përfituar nga Forca e Sigurisë së Kosovës , duke shënuar një rritje prej 15 për qind krahasuar me një vit më parë. Sipas Agjencisë së Statistikave të Kosovës, në muajin qershor, krahasuar me të njëjtë periudhë të në viti më parë, ka pasur rritje rritje të numrit të përfituesve nga skema për Pensionet Paraplegjike dhe Tetraplegjike rreth 13 për qind. Ndërkohë nga skema për përkrahje financiare familjeve që kanë fëmijë me aftësi të kufizuara 11 për qind, dhe rreth 8 për qind kane qenë përfitues nga skema e pensioneve për personat me aftësi të kufizuara. Rritje kanë shënuar dhe shifrat e përfituesve të skemës së kompensimit për punëtorët e arsimit që punuan gjatë vitit shkollor ‘90 deri në ‘99, pensionet e Trupave Mbrojtëse të Kosovës, veteranët e luftës si dhe kompensimet për personat e verbër.