Pamjet që jeni duke parë në ekran i përkasin ngjarjes së pak ditëve më parë, kur 45-vjeçari Astrit Pukameka, i arrestuar në Kavajë për grabitje, plagosje dhe marrje peng i ka dhënë fund jetës. Ai u vetëvar në burgun e Peqinit. Stafi mjekësor bëri transportin e tij drejt spitalit, pasi ishte me shenja jete, por më pas humbi jetën. Ai humbi jetën në spitalin e Peqinit, pasi u dërgua në gjendje të rëndë. Ngjarja e rëndë u regjistrua më 16 shkurt, ku pas një sherri në familje degjeneroi në plagosjen e dy personave, grabitjen e një karburanti si dhe kërcënimin me djegie të biznesit në fjalë. Astrit Pukameka plagosi me thikë Bardhyl Petjën, kushëririn e ish-bashkëshortes, më pas u largua me vrap. Ai mori peng taksistin Arjan Shau, të cilin pasi e çoi në destinacion, e plagosi dhe atë. Kur mbërriti në një pikë karburanti në Kavajë, Pukameka mori pompën e benzinës dhe filloi të spërkaste vendin duke kërcënuar se do digjte karburantin. Në këtë moment ndërhynë efektivët e policisë të cilët bënë arrestimin e 45-vjeçarit.