Kur Partia Demokratike vijon të jetë në kulmin e debatit të brendshëm e nga të dyja palët hidhen akuza e kundërakuza, ajo që vlen të diskutohet, se kush do të drejtojë selinë blu?! Teksa të gjithë i kanë sytë nga 30 prilli, për një bashkim apo përçarje përfundimtare të PD, shqetësues mbetet ideja e pronësisë politike. Një parti e themeluar prej 32 vitesh si forca e parë politike pluraliste dhe shpresë për demokracinë, po rrezikon të rrëshqasë drejt një lloj monarkie të brendshme, ku partia shihet si pronë e disa figurave, duke krijuar në mos barrierë reale, por barriera të padukshme. Këta politikanë që morën gjithçka nga PD, por edhe i dhanë asaj shumëçka, do të duhet të dinin se cikli i tyre duhej të përfundonte për t’iu hapur rruga të rinjve. Janë këta figura që jo rrallë konsiderohen si pengamrrësit e Partisë Demokratike.