Policia ka sekuestruar pasuritë e tre personave nga Fieri të akuzuar si pengmarrësit e një mjeku grek në 2011, të cilin e kanë liruar pasi janë paguar me rreth 1.3 milionë euro. Policia ka njoftuar se ka sekuestruar pasuritë e Çerciz Agallijajt, Klodjan Lamajt dhe Mariglen Hamatajt. Në total janë katër apartamente dhe 1 automjet me vlerë tregu 200 mijë euro, që sipas policisë janë përfituar nga veprimtaria kriminale e tre shtetasve, në fushën e shtrëngimit me anë të kanosjes për dhënie pasurie. Çerciz Agallija, 37 vjeç, banues në Kraps, Fier I është sekuestruar një apartament në Durrës. Po në Durrës I është bllokuar një apartament 32 vjeçarit Klodjan Lamaj, banues në Banaj, Fier. Ndërsa Mariglen Hamataj, 29 vjeç, banues në Frakull, Fier I është sekuestruar një apartament në Durrës dhe automjeti tip “Volksvagen”.